အမေရိကန် ဥပဒေစိုးမိုးရေးဆိုင်ရာ ၀က်ဘ်ဆိုက်များထဲ Hacker များ ခိုးဝင်

By ဗွီအိုအေ (မြန်မာဌာန)

မှာ တရားဥပဒေစိုးမိုးရေးဆောင်ရွက်နေတဲ့ အေဂျင်စီ ၇၀ လောက်ရဲ့ ၀က်ဘ်ဆိုက်တွေကို ခိုးဝင်ခဲ့တယ်လို့ “အမည်မဖော်လိုသော” လို့ အဓိပ္ပာယ်ရတဲ့ Anonymous အဖွဲ့က ပြောလိုက်ပါတယ်။

အမေရိကန်နဲ့ ဗြိတိန်နိုင်ငံတွေမှာ သူတို့ရဲ့ အပေါင်းအပါတချို့ ဖမ်းဆီးခံခဲ့ရတဲ့အတွက် လက်တုံ့ပြန်တာလို့ဆိုတဲ့ အဲဒီအဖွဲ့က ဥပဒေစိုးမိုးရေးအေဂျင်စီတွေရဲ့ ကွန်ပြူတာစနစ်တွေထဲကို ခိုးဝင်ပြီး လျှို့ဝှက် အချက်အလက်ပေါင်း မြောက်များစွာကို ခိုးယူခဲ့တယ်လို့ ပြောပါတယ်။

အမေရိကန်ကန်ပြည်ထောင်စုက ပြည်နယ်၊ ခရိုင် အဆင့်ဆင့်မှာရှိတဲ့ ရဲအဖွဲ့တွေကို အရှက်ခွဲချင်တဲ့အတွက် သူတို့ခိုးယူရရှိထားတဲ့ အီးမေးလ်တွေ၊ အကြွေးဝယ် Credit card အချက်အလက်တွေကို အင်တာနက်ပေါ်မှာ တင်ထားတယ်လို့ Anonymous အဖွဲ့က ဆိုပါတယ်။

အေပီသတင်းဌာနက လိုက်ကြည့်တဲ့ အေဂျင်စီတော်တော်များရဲ့ ၀က်ဘ်ဆိုက်တွေပေါ်က အကြောင်းအရာတွေ ဖျက်ခံထားရတယ်လို့လဲ အေပီသတင်းက ပြောပါတယ်။ အင်တာနက်ပေါ်မှာ ဈေးဝယ်ကြသူတွေကို ငွေပေးချေရာမှာ အသုံးပြုကြတဲ့ Pay Pal ကုမ္ပဏီကို Anonymous အဖွဲ့ကတိုက်ခိုက်ခဲ့မှုနဲ့ ဆက်နွယ်ပြီး လူပေါင်း ၂၁ ယောက်ကို အမေရိကန်၊ ဗြိတိန်၊ နယ်သာလန်တို့မှာ ဖမ်းဆီးခဲ့ပါတယ်။

အမေရိကန်အစိုးရရဲ့ ထိပ်တန်းလျှို့ဝှက်ချက်တွေကို ဖွင့်ချပြခဲ့တဲ့ WikiLeaks website ကို Pay Pal ကုမ္ပဏီကတဆင့် အလှူထည့်နိုင်အောင် လုပ်မပေးတဲ့အတွက် Online Hecker တွေရဲ့ ပစ်မှတ်ထားတာကို ခံခဲ့ရတာဖြစ်ပါတယ်။

၂၃ နှစ်ပြည့် ရှစ်လေးလုံး အရေးတော်ပုံ အခမ်းအနားများ ကျင်းပ

FROM RFA NEWS

၈၈ လူထုအရေးတော်ပုံ ၂၃ နှစ်ပြည့် အခမ်းအနားတရပ်ကို သြစတြေလျ နိုင်ငံ ဆစ်ဒနီမြို့ မှာ ABSDF သြစတြေလျ ဌာနခွဲနဲ့ မြန်မာ့အရေး လှုပ်ရှားသူတွေ ပူးပေါင်းပြီး ဒီကနေ့ ညနေပိုင်းက ပြုလုပ်ခဲ့ကြောင်း သတင်းရရှိပါတယ်။

မြန်မာနိုင်ငံ အကျဉ်းထောင်အသီးသီိးမှာ ဖမ်းဆီး ထောင်ချခံနေရဆဲ ဖြစ်တဲ့ ၈၈ မျိုးဆက်ကျောင်းသား ခေါင်းဆောင်တွေ အပါအဝင် နိုင်ငံရေးအကျဉ်းသားတွေ လွတ်မြောက်ရေးကို ၀ိုင်းဝန်းကြိုးပမ်းကြဖို့ ဒီကနေ့ စုရုံးရောက်ရှိခဲ့တဲ့ အခမ်းအနားမှာ တိုက်တွန်းခဲ့တယ်လို့ ဦးဆောင်ပါဝင်သူတဦး ဖြစ်တဲ့ ဒေါက်တာမြင့်ချိုက ပြောပါတယ်။

“ပြည်တွင်းမှာ ဒေါ်အောင်ဆန်းစုကြည်နဲ့ တိုင်းရင်းသားခေါင်းဆောင် တွေ ဦးဆောင်နေတဲ့ ကိစ္စတွေကို အပြည့်အဝ ထောက်ခံတဲ့အကြောင်း ပြသဖို့၊ သြစတြေလျကုမ္ပဏီတွေ မြန်မာနိုင်ငံကနေ ထွက်ခွာသွား အောင် သြစတြေလျ အစိုးရကို စည်ရုံးတဲ့ကိစ္စမှာ ကူညီကြဖို့၊ တိုင်းရင်းသားဒေသတွေမှာ ကျူးလွန်နေတဲ့ စစ်ရာဇဝတ်မှုတွေ လူသားဖြစ်မှုကို ဆန့်ကျင်ကျူးလွန် တဲ့ ရာဇဝတ်မှုတွေနဲ့ ပတ်သက်ပြီး ကုလသမဂ္ဂ ကော်မရှင်ဖွဲ့ပြီး စုံစမ်းဖို့ကိစ္စတွေကို အပြည့်အဝ ထောက်ခံ အကူအညီပေးဖို့ ဒီကနေ့ အခမ်းအနားမှာ ချမှတ်ပါတယ်”

ဒီနေ့ အခမ်းအနားကို အဝေးရောက် မြန်မာနိုင်ငံသားတွေနဲ့အတူ မြန်မာ့အရေး တက်တက်ကြွကြွ လှုပ်ရှားပါဝင်တဲ့ သြစတြေလျ လွှတ်တော်ကိုယ်စားလှယ်တွေလည်း တက်ရောက်ခဲ့ကြပါတယ်။

အမေရိကန်ငွေကြေးသိက္ခာ ပထမဆုံးအကြိမ် အဆင့်လျော့

By ဗွီအိုအေ (မြန်မာဌာန)

အမေရိကန်ပြည်ထောင်စုက အကြွေးပေးဖို့ယုံကြည်စိတ်ချရတဲ့အခြေအနေကို တိုင်းတာသတ်မှတ်တဲ့ S&P လို့ခေါ်တဲ့ကုမ္ပဏီက အမေရိကန်နိုင်ငံရဲ့ အကြွေးပေးဖို့စိတ်ချရတဲ့အခြေအနေကို ပထမဆုံးအကြိမ်အဖြစ် လျှော့ချလိုက်ပါတယ်။ AAA အဆင့် သတ်မှတ်ထားရာကနေ AA နဲ့ အပေါင်းလက္ခဏာ အဆင့်အထိ လျှော့ချခဲ့တာပါ။ တိုင်းပြည်ရဲ့လိုငွေပြမှု လျှော့ချရေးအစီအစဉ်ကို လွှတ်တော်က အင်္ဂါနေ့မှာ အတည်ပြု ပြဌာန်းခဲ့ပြီးတဲ့နောက်ပိုင်း S&P ကုမ္ပဏီက မနေ့ကပဲ အခုလို အဆင့်လျှော့ချခဲ့ပါ။ ဘာကြောင့်လဲ ဆိုတော့ လွှတ်တော်ရဲ့ပြဌာန်းချက်ဟာ နိုင်ငံမှာတင်နေတဲ့ အကြွေးပြဿနာကို တည်ငြိမ်အောင်လုပ်ဖို့ လုံလောက်တဲ့ဆောင်ရွက်မှု မဟုတ်တာကြောင့်ပဲလို့ S&P ကုမ္ပဏီကပြောပါတယ်။

အခုလိုအကြွေးပေးဖို့ ယုံကြည်စိတ်ချရတဲ့အတိုင်းအတာ လျော့ကျလာတဲ့ အခြေအနေဟာ နိုင်ငံရဲ့မူဝါဒရေးဆွဲရေးနဲ့ နိုင်ငံရေးအင်အားစုတွေက နိုင်ငံမှာကြုံနေရတဲ့ စီးပွားရေးအခက်အခဲတွေကို ထိထိရောက်ရောက်နဲ့ မဖြေရှင်းနိုင်တာတွေ၊ တည်ငြိမ်အောင် မလုပ်နိုင်တာတွေနဲ့ ကြိုတင်ခန့်မှန်း တွက်ချက်မှုတွေ အားနည်းတာကြောင့်ဖြစ်တယ်ဆိုတာကို ရောင်ပြန်ဟပ်တဲ့သဘောပဲလို့ S&P က ပြောပါတယ်။

အခုအဆင့်လျှော့ချမှုအသစ်ဟာ အလားအလာမကောင်းဘူးလို့ S&P က ရှုမြင်ပြီး လာမယ့် ၂ နှစ်အတွင်း နောက်တကြိမ်ထပ်ပြီး လျော့ကျလာနိုင်တဲ့သဘောပဲလို့လည်း ဆိုပါတယ်။ အမေရိကန်ပြည်ထောင်စုမှာ သန်းနဲ့ချီတဲ့ပြည်သူတွေဟာ အလုပ်အကိုင်ရဖို့ အပြင်းအထန် ကြိုးစားနေကြရပါတယ်။

အလုပ်အကိုင်ဈေးကွက် အလားအလာမကောင်းတဲ့ အခြေအနေတွေကို သမ္မတဘားရက်အိုဘားမားက အဓိကထား အာရုံစိုက်ပြီး သူ့ရဲ့ စနေနေ့အပတ်စဉ်မိန့်ခွန်းမှာ ပြောဆိုခဲ့ပါတယ်။ အမေရိကန်ပြည်သူတွေ အလုပ်အကိုင်တွေရရှိလာဖို့၊ ကျဆင်းနေတဲ့စီးပွားရေး မြန်မြန်ဆန်ဆန် တိုးတက်လာဖို့ဟာ နိုင်ငံရဲ့အရေးပေါ်လုပ်ငန်းတရပ်ပဲလို့ သမ္မတအိုဘားမားက ပြောပါတယ်။

လွှတ်တော်အတွင်းမှာ ဒီမိုကရက်နဲ့ ရီပါဘလစ်ကန် လွှတ်တော်ကိုယ်စားလှယ်တွေဟာ အတူပူးပေါင်းပြီး အခြေအနေတွေကို တိုးတက်လာအောင်လုပ်ဆောင်ကြဖို့ကိုလည်း သမ္မတအိုဘားမားက တိုက်တွန်းခဲ့ပါတယ်။

အစိုးရ ရိက္ခာယာဉ်တန်းကို ရှမ်းပြည်မြောက်ပိုင်းတပ်က ချုံခိုတိုက်

FROM RFA NEWS

ရှမ်းပြည်တပ်မတော် SSA မြောက်ပိုင်း ရဲ့ ဝမ့်ဟိုင်းဌာနချုပ်ကို ဝိုင်းထားတဲ့ မြန်မာအစိုးရတပ်တွေဟာ သြဂုတ်လ ၃ ရက်ကနေ ၅ ရက်နေ့အထိ ဆန်ရိက္ခာ သယ်ယူနေချိန်မှာ SSA မြောက်ပိုင်းတပ်က ချုံခို တိုက်ခိုက်ခဲ့ကြောင်း SSA မြောက်ပိုင်းရဲ့ ပြောခွင့်ရသူ ဗိုလ်မှူးစိုင်းလက RFA ကို ပြောပါတယ်။

“ကျေးသီးကနေ ပန်စဲ၊ လွယ်ရွဲကနေ နမ့်ပုတ်၊ ဝမ့်ဟိုင်းကို ချည်းကပ် အခြေစိုက်ထားတဲ့ တပ်တွေကို သူတို့ ရိက္ခာ ပြန်ဖြည့်နေတယ်လေ။ လမ်းတလျှောက် လုံခြုံရေးယူနေတဲ့ ခလရ (၁၃၁) ကို ကျနော်တို့ SSA က ချုံခိုပြီး တိုက်တာပေ့ါ။ မိုင်းထောင်ပြီး တိုက်တာပေါ့။ ရိက္ခာဖြည့်နေတဲ့အချိန်မှာ တချိန်မဟုတ်တချိန် သူတို့ အသင့်ဖြစ်တာနဲ့ ကျနော်တို့ ဝမ့်ဟိုင်းဌာနချုပ်ကို ပြန်တိုက်မယ်လို့ သုံးသပ်မိတယ်”

မြန်မာအစိုးရတပ်ဘက်က ထိခိုက်ဒဏ်ရာရတာ ရှိတယ်ဆိုပေမယ့် အခြေအနေ အသေးစိတ်ကို မသိရသေးပါဘူး။ ဒီအတောအတွင်း ပြီးခဲ့တဲ့ ရက်ပိုင်းတုန်းက SSA ဝမ့်ဟိုင်း ဌာနချုပ်ကနေ ခေတ္တ ဆုတ်ခွာသွားကြတဲ့ မြန်မာအစိုးရ တပ်တွေကို နေပြည်တော်ဘက် ပို့ထားကြောင်း ဗိုလ်မှူးစိုင်းလက ပြောပါတယ်။

“ကိုးကန့်ဘက်က တပ်မ (၃၃) နဲ့ တပ်မ (၉၉) ဗမာပြည်ဘက် ဆင်းသွားတယ်။ ရန်ကုန်နဲ့ မန္တလေးတိုင်းဘက်က တပ်တွေရော နေပြည်တော်ဘက် ချီတက်သွားတယ်လို့ သတင်းရတယ်။ နေပြည်တော်ကို တပ်တွေအများကြီး ခေါ်သွားတယ်ဆိုတော့ အဲဒီမှာ အရှုပ်အထွေး ရှိမယ်လို့တော့ ထင်တယ်”

ဒီကနေ့တော့ ထူးခြားတဲ့ တိုက်ပွဲ အခြေအနေမရှိဘူးလို့ SSA မြောက်ပိုင်းတပ် ပြောခွင့်ရသူ ဗိုလ်မှူးစိုင်းလက ပြောပါတယ်။

တောင်ဒဂုံစက်မှုဇုံ အထည်ချုပ်စက်ရုံ အလုပ်သမားဆန္ဒပြမှုဖြစ်

By မအေးအေးမာ(FROM VOA MYANMAR)

ရန်ကုန်တိုင်းဒေသကြီး ဒဂုံမြို့သစ်တောင်ပိုင်း စက်မူဇုံ (၁) SGI အထည်ချုပ်စက်ရုံ (၁) နဲ့ (၄) က ထောင်နဲ့ချီတဲ့အလုပ်သမားတွေဟာ လုပ်အားခနဲ့ အချိန်ပိုလုပ်ခငွေ နည်းပါးတဲ့အတွက် အလုပ်မဆင်းဘဲ စက်ရုံရှေ့မှာထိုင်ပြီး ဆန္ဒပြခဲ့ကြပါတယ်။ ဒီပြဿနာကို ဘယ်သူတွေက ကြားဝင်ဖြေရှင်းပေးနေသလဲ၊ နောက်ဆုံးအခြေအနေ ဘယ်လိုရှိလဲ ဆိုတာကို မအေးမာက သတင်းပေးပို့ထားပါတယ်။

ရန်ကုန် ဒဂုံမြို့သစ်တောင်ပိုင်း စက်မူဇုံတွေဟာ မကြာခဏဆိုသလို လုပ်အားခ ပြဿနာတွေအတွက် ဆန္ဒပြမူတွေအရင်ကတည်းက ဖြစ်ပေါ်ခဲ့တာပါ။ အခုအခါမှာတော့ လုပ်အားခလစာ တိုးပေးဖို့အတွက် ဆန္ဒပြခဲ့ကြတာဖြစ်ကြောင်း အလုပ်သမားရေးလုပ်နေသူတဦးက အခုလိုပြောပြပါတယ်။

“ရန်ကုန်တိုင်းဒေသကြီး ဒဂုံမြို့သစ်တောင်ပိုင်း စက်မှုဇုံ (၁)မှာရှိတဲ့ SGI အထည်ချုပ်စက်ရုံကနေပြီးတော့ ကျနော်တို့ မနက်အလုပ်ချိန် ၇ နာရီကတည်းကနေ စက်ရုံ (၁) နဲ့ (၄) က အလုပ်သမားတွေပေါင်းပြီးတော့ အလုပ်သမား ၇ ထောင်လောက်ကနေ သူတို့လစာတွေ နည်းတဲ့အတွက် ဆန္ဒပြတောင်းဆိုကြတယ်။ သူတို့ လမ်းလျှောက်ခြင်း၊ အော်ဟစ်ခြင်း လုံးဝမရှိဘဲနဲ့ ငြိမ်သက်စွာနဲ့ သူတို့ရဲ့လုပ်ခတိုးသွားဖို့အတွက်ကို အလုပ်ခွင့်ကိုမဆင်းဘဲနဲ့ ငြိမ်းချမ်းစွာနဲ့ ဆန္ဒပြတာပါ။ သူတို့က တလကို ၆ သောင်းလောက်ဆီပဲ ရကြတယ်။ ဆိုတော့ သူတို့အနေနဲ့ စားဝတ်နေရေးမလုံလောက်တဲ့အတွက် ၇ သောင်းခွဲအထိ ထပ်တိုးတောင်းတယ်။ အလုပ်သမား ဖယ်ရီကားတွေနဲ့ အခုချိန်မှာတော့ ကားပေါ်မှာပြန်တက်ပြီး လူပြန်စုနေပြီခင်ဗျ။ တချို့လည်း အလုပ်သမားတွေ ကုန်းကြောင်းလျှောက် ပြန်လာနေကြတယ်ခင်ဗျ။”

သူတို့တောင်းဆိုခဲ့တာကတော့ လုပ်အားခလစာတိုးမြင့်ပေးဖို့အတွက် အဓိက ဖြစ်တယ်လို့ဆိုပါတယ်။ အလာတူးပဲ ပဲခူးတိုင်း ပဲခူးမြို့နယ် ဟင်္သာကုန်းရပ် ကမာနတ်ကျေးရွာအနီးက Cap 1 ဦးထုတ်ချုပ်စက်ရုံ အလုပ်သမား ၅၅ ယောက်ဟာလည်း ပြီးခဲ့တဲ့ဇွန်လအတွင်းကပဲ အလုပ်မဆင်းဘဲ ဆန္ဒပြခဲ့ကြပါတယ်။

စက်ရုံတွေမှာတော့ မကြာခဏ ဆန္ဒပြလေ့ရှိပြီး အာဏာပိုင်တွေအနေနဲ့ ကြီးမားတဲ့ဆန္ဒပြမူမဖြစ်အောင် လာရောက်ဖြေရှင်းပေးကြလေ့ရှိပါတယ်။ ဒီနေ့မှာလည်း အာဏာပိုင်တွေဘက်က လာရောက်ပြီး ဖြေရှင်းမူတွေ လုပ်ပေးနေတယ်လို့လည်း သိရပါတယ်။