အစုရှယ်ယာ ဈေးတွေ ထပ်ကျ ပြန်ပြီ

FROM BBC NEWS


Dow Jones အညွှန်းကိန်း အတက်အကျ

အမေရိကန်နဲ့ ဥရောပက အစုရှယ်ယာဈေးတွေ ဆိုးဆိုးရွားရွား ဆက်တိုက် ကျနေတာ ကြောင့် အဲဒီအကျိုးသက်ရောက်မှုက ကမ္ဘာ့ အစုရှယ်ယာ ဈေးကွက်ကို ထိခိုက်ခဲ့ပါတယ်။

အခုသီတင်းပတ် အစောပိုင်းတုန်းက လေးရာခိုင်နှုန်း တက်လာခဲ့တဲ့ Dow Jones အညွန်းကိန်းဟာ New York မြို့က ဈေးပိတ်ချိန်မှာ လေးရာခိုင်နှုန်း ပြန်ကျသွားခဲ့ပါတယ်။

ပြင်သစ်နိုင်ငံ အပေါ် အကြွေးပေးနိုင်ခွင့် တိုင်းတာတဲ့စံနှုန်းဟာ အေသုံးလုံး အဆင့်ကနေ လျော့ကျသွားနိုင်တယ် ဆိုပြီး ကောလဟာလ သတင်းတွေ ထွက်ပေါ်နေတာကြောင့် ဥရောပမှာတော့ ပြင်သစ်ဘဏ်တွေရဲ့ အစုရှယ်ယာ ဈေးတွေ သိသိသာသာ ထိုးဆင်းသွားခဲ့ပါတယ်။

ဒါပေမယ့် ပြင်သစ်နိုင်ငံရဲ့ ဘဏ္ဍာရေး အခြေအနေက တည်ငြိမ်နေပါတယ်လို့ ပြင်သစ် အစိုးရနဲ့ အကြွေးပေးနိုင်ခွင့်စံနှုန်း သတ်မှတ်တဲ့ အဓိက အေဂျင်စီကြီး သုံးခု တို့က အခိုင်အမာ ပြောဆို နေတာကြောင့် ထွက်လာတဲ့ ကောလဟာလ သတင်းတွေနဲ့ ဆန့်ကျင်နေပါတယ်။

မြန်မာအမတ်တွေ တက်ရောက်မယ့်ကိစ္စ AIPMC ကန့်ကွက်

FROM RFA NEWS

ကမ္ဘောဒီးယားနိုင်ငံ ဖနွမ်းပင် မြို့တော်မှာ စက်တင်ဘာလ တတိယပတ် အတွင်း ကျင်းပမဲ့ အာဆီယံ လွှတ်တော် အမတ်များ အဖွဲ့ ညီလာခံကို မြန်မာနိုင်ငံက လွှတ်တော် အမတ်တွေ တက်ရောက်မယ့် ကိစ္စကို AIPMC အာဆီယံ လွှတ်တော်အမတ်များ အဖွဲ့က ဒီကနေ့ ကန့်ကွက်လိုက်ပါတယ်။

(Photo: AFP)

မြန်မာနိုင်ငံ အရေးဆောင်ရွက်နေသော အာဆီယံ ပါလီမန် အမတ်များ အဖွဲ့ (AIPMC) ၏ ကမေႝာဒီးယား အဖွဲ့ခွဲ ၂ဝဝ၆ခုနှစ် သြဂုတ်လ ၂၅ရက်နေ့ ဖွင့်လှစ်ပွဲ မှတ်တမ်းဓာတ်ပုံ ဖြစ်ပါသည်။ ရှေ့တန်း အလယ်မှာ AIPMC ဥက္ကဌ ဇာအစ် အီဘရာဟင်၊ ရှေ့တန်း ဝဲမှ စတုတ္ထမှာ ကမေႝာဒီးယား အဖွဲ့ခွဲ ဥက္ကဌ ဆွန်ချေး၊ ရှေ့တန်း ယာမှ ဒုတိယမှာ မြန်မာနိုင်ငံ ဆိပ်ကမ်းမြို့နယ် လွှတ်တော်အမတ် ဒေါ်စန်းစန်းတို့ ဖြစ်ပါသည်။ (Photo: AFP)

AIPMC ခေါ် မြန်မာ့အရေး ဆောင်ရွက်ဖို့ ဖွဲ့စည်းထားတဲ့ အာဆီယံ လွှတ်တော်အမတ်များ အဖွဲ့က မြန်မာအစိုးရ အနေနဲ့ နိုင်ငံတွင်းမှာ တိုင်းရင်းသားတွေနဲ့ စစ်မက် ပဋိပက္ခတွေ ဖြစ်ပွားနေချိန် အရေးပေါ် အခြေအနေတွေကို မျက်ကွယ်ပြုပြီး အာဆီယံ ဥက္ကဌဖြစ်ရေး ရည်မှန်းချက်ကို ဦးစားမပေးသင့်ဘူးလို့ ဂျာကာတာမြို့ AIPMC အဖွဲ့ရုံး အမှုဆောင် ညွှန်ကြားရေးမှူး Ms. Agung Putri က ပြောပါတယ်။ မြန်မာအစိုးရဟာ အာဆီယံ အဖွဲ့ထဲမှာ ယုံကြည် စိတ်ချရတဲ့ အဖွဲ့ဝင် ဖြစ်လာရေး အတွက် ကြိုးပမ်းနေပါတယ်။ အိုက်ပါ (AIPA) လို့ခေါ်တဲ့ အာဆီယံ လွှတ်တော်တွင်း ညီလာခံကို တက်ရောက်ဖို့ အခုလို ကြိုးပမ်းတာ ဟာလည်း ၂၀၁၄ ခုနှစ်မှာ အာဆီယံ ဥက္ကဌဖြစ်ရေး အတွက် တခြား အာဆီယံနိုင်ငံတွေရဲ့ ထောက်ခံ အားပေးမှု ရရှိအောင် ပထမဆင့် ကြိုးပမ်းasean ဆောင်ရွက်ချက်သာ ဖြစ်ပါတယ်။ ကချင်၊ ရှမ်းနဲ့ ကရင်ဒေသတွေမှာ စစ်မက် ပဋိပက္ခတွေ ဖြစ်ပွားနေချိန်၊ နိုင်ငံတွင်းက အရေးတကြီး ပြဿနာတွေကို အပူတပြင်း အဖြေရှာဖို့ အားမထုတ်ဘဲ၊ ကမ္ဘောဒီယားမှာ အိုက်ပါ ညီလာခံ သွားတက်မယ့်ကိစ္စဟာ မဖြစ်သင့်ပါဘူးလို့ AIPMC အဖွဲ့ အမှုဆောင် ညွှန်ကြားရေးမှူး Ms. Agung Putri ပြောသွားပါတယ်။ ဖနွမ်းပင်မြို့မှာ စက်တင်ဘာ ၁၈ ရက်နေ့ ကနေ ၂၄ ရက်နေ့ အထိ ကျင်းပမယ့် ၃၂ ကြိမ်မြောက် အာဆီယံ လွှတ်တော်အမတ်များ ညီလာခံကို မြန်မာနိုင်ငံက လွှတ်တော်အမတ် ၁၇ ဦး တက်ရောက်မယ်လို့ သိရပါတယ်။ မြန်မာနိုင်ငံ အနေနဲ့ အာဆီယံ လွှတ်တော်အမတ်များ ညီလာခံကို ပထမဆုံး တက်ရောက်ခွင့် ရရှိတာ ဖြစ်ပြီး၊ တက်ရောက်မယ့် ပါတီစုံက လွှတ်တော်အမတ် အားလုံးကို အကြောင်းကြားထားပြီး ဖြစ်တယ်လို့ ကြံ့ခိုင်ဖွံ့ဖြိုးရေး ပါတီ အမျိုးသား လွှတ်တော်အမတ် ဇေကမ္ဘာ ဦးခင်ရွှေက ပြောပါတယ်။ "ပါတီစုံ ပါပါတယ်။ မျှအောင်ဆိုပြီးတော့ NDF က ဦးကြီးမြင့်ပါမယ်။ ရခိုင်ပါတီကဆိုရင် ဒေါက်တာ အေးမောင် ပါတယ်။ တဆည အဖွဲ့က ဦး မောင်မောင်ညို၊ အဲဒီလို အကုန် အစုံ ခေါ်ထားပါတယ်။ ကြံ့ခိုင်ဖွံ့ဖြိုးရေးက ကျနော်ရယ်၊ ယုဇန ဦးဌေးမြင့်၊ ဦးခင်အောင်မြင့်။ နောက် ဒေါ်ရီရီမြင့်ဆိုတာ မွန်က တက်လာတာ တွေ့တယ်။ အာဆီယံ လွှတ်တော်ပေါ့၊ ပါလီမန် ဒီနှစ်မှ ကျနော်တို့ကို အသိအမှတ် စပြုတာပါ။ မနှစ်ကတော့ ဧည့်သည်အနေနဲ့ တက်ပြီး ဒီနှစ်မှ အသိအမှတ်ပြုတာပါ။" အိုက်ပါ ညီလာခံတက်မယ့် မြန်မာလွှတ်တော် ကိုယ်စားလှယ်အဖွဲ့ကို အမျိုးသား လွှတ်တော် နာယက ဦးခင်အောင်မြင့်က ဦးဆောင်မယ်လို့ သိရပါတယ်။

ဦးအောင်ကြည်နဲ့ ဒေါ်အောင်ဆန်းစုကြည် ထပ်မံတွေ့ဆုံမည်

FROM RFA NEWS မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ မြန်မာ အစိုးရ ကိုယ်စားလှယ် အလုပ်သမားရေး ၀န်ကြီး ဦးအောင်ကြည် တို့ဟာ သြဂုတ်လ (၁၂) ရက် မနက်ဖြန်မှာ နောက်ထပ် တကြိမ် ထပ်မံ တွေ့ဆုံမယ် ဆိုတဲ့ သတင်းတွေ ထွက်ပေါ်နေပါတယ်။

AFP

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် အလုပ်သမားရေးဝန်ကြီး ဦးအောင်ကြည်တို့ စိမ်းလဲ့ကန်သာ အစိုးရ ဧည့်ဂေဟာမှာ ၂၀၁၁ ခုနှစ် ဇူလိုင်လ ၂၅ ရက်နေ့က တွေ့ဆုံဆွေးနွေးအပြီး သတင်းထောက်များနှင့် တွေ့ဆုံစဉ်။

ဒီလို တွေ့ဆုံမယ့် ကိစ္စကို ကြားရပေမဲ့ တရားဝင် မသိရသေးဘဲ သတင်းမှန် မမှန် အတည်မပြုနိုင်သေးတဲ့အကြောင်း NLD ပါတီ ပြောခွင့်ရ ပုဂ္ဂိုလ် ဦးဥာဏ်ဝင်းက RFA ကို ပြောပါတယ်။ ဦးအောင်ကြည်က ဒေါ်အောင်ဆန်းစုကြည်ကို လာရောက် တွေ့ဆုံမယ် ဆိုတဲ့ အချိန်ဟာ ဒေါ်အောင်ဆန်းစုကြည်ရဲ့ နိုင်ငံရေး ခရီးစဉ် မစတင်ခင် (၂) ရက် အလိုမှာ ဖြစ်ပါတယ်။ ဒေါ်အောင်ဆန်းစုကြည်နဲ့ NLD အဖွဲ့ဝင်တချို့ဟာ လာမယ့် တနင်္ဂနွေနေ့မှာ ပဲခူးမြို့ကို ခရီးထွက်ဖို့ ရှိပါတယ်။ ဒေါ်အောင်ဆန်းစုကြည် နေအိမ် အကျယ်ချုပ်က ပြန်လွတ်လာပြီး နောက်ပိုင်း ဦးအောင်ကြည်နဲ့ ဒေါ်အောင်ဆန်းစုကြည် တို့ဟာ ပြီးခဲ့တဲ့ ဇူလိုင်လ (၂၅) ရက်နေ့က ရန်ကုန် စိမ်းလဲ့ကန်သာ အစိုးရ ဧည့်ဂေဟာမှာ ပထမဦးဆုံး အကြိမ် ပြန်လည် တွေ့ဆုံခဲ့ကြ ပါတယ်။ အဲဒီတွေ့ဆုံပွဲမှာ ပြည်သူတွေ ကိုယ်စိတ်နှစ်ပါး ချမ်းသာစေမယ့် နှစ်ဦး နှစ်ဖက် ပူးပေါင်း ဆောင်ရွက်နိုင်မယ့် နည်းလမ်း တွေကို ဆွေးနွေးခဲ့ကြတယ်လို့ ၀န်ကြီး ဦးအောင်ကြည်က သတင်းထောက်တွေကို ပြောခဲ့သလို ဒေါ်အောင်ဆန်းစုကြည် ကလည်း ဘာပဲလုပ်လုပ် ပြည်သူလူထု အကျိုးကို ရှေးရှု လုပ်ဆောင်သွားမှာပါလို့ ပြောခဲ့ပါတယ်။

လယ်ယာမြေတွေကို ဇေကမ္ဘာကုမ္ပဏီ အဓမ္မသိမ်းယူ

FROM RFA NEWS ရန်ကုန်တိုင်း မင်္ဂလာဒုံမြို့နယ် ပုလဲမြို့သစ်က လယ်ယာမြေတွေကို ဇေကမ္ဘာ ကုမ္ပဏီက မတန်တဆ ဈေးနှိမ် ရယူထားတဲ့ ကိစ္စကို လယ်သမားတွေက NLD အမျိုးသား ဒီမိုကရေစီ အဖွဲ့ချုပ် ဗဟို ဥပဒေ အထောက်အကူ အဖွဲ့ကို ဒီကနေ့ လာရောက် တင်ပြပါတယ်။

(Photo: AFP)

ရေသွင်း လယ်ကွင်းတခုတွင် ပျိုးပင်များ စိုက်နေသော လယ်သူမများ ဖြစ်ပါသည်။ (Photo: AFP)

ပေါင်းကူကျေးရွာနဲ့ ဘားလား ကျေးရွာကြားက လယ်မြေတွေမှာ လုပ်ကိုင်နေတဲ့ လယ်သမားတွေက လာရောက် တင်ပြတာလို့ ပြန်ကြားရေး တာဝန်ခံ ဦးအုန်းကြိုင်က ပြောပါတယ်။ "မင်္ဂလာဒုံက လယ်သမားတစုက သူတို့ရဲ့ လယ်ယာမြေ ဧက ၉၀၀ လောက်ကို ဇေကမ္ဘာ ကုမ္ပဏီက ထိုက်တန်တဲ့ လျော်ကြေးမပေးဘဲ အဓမ္မ သိမ်းယူတဲ့ ကိစ္စကို ကျနော်တို့ ဗဟို ဥပဒေပြု အထောက်အကူ အဖွဲ့ကို လာရောက် တင်ပြပါတယ်။" ဒီလယ်မြေကိစ္စကို အာအက်ဖ်အေက ထုတ်လွှင့်ဖူးပြီး လယ်သမားတွေက သူတို့ရဲ့ နစ်နာချက်တွေကို တိုင်ကြားတဲ့ အတွက် တိုင်းနဲ့ခရိုင် မြေစာရင်း ဦးစီးမှူးတွေ၊ ဆောက်လုပ်ရေး လုပ်ငန်း ဦးစီးဌာနက အင်ဂျင်နီယာတွေက လယ်သမားတွေကို ဧပြီလတုန်းက ခေါ်ယူ စစ်ဆေးပါတယ်။ အဲဒီနောက် ဇေကမ္ဘာ ကုမ္ပဏီက မတန်တဆ ဈေးနှိမ်ပြီး အမ်းယူတာကို မရောင်းဘဲ တင်းခံတဲ့ လယ်သမားတွေကို မေလမှာ သီးစား ပြန်တင်ခွင့် ပေးလိုက်တဲ့ အပြင် ဇေကမ္ဘာ ကုမ္ပဏီက လျော်ကြေးပေးပြီး ယူထားတဲ့ လယ်မြေ ဧက ၈၀၀ ကျော်ထဲက လယ်သမားတွေ နံမည်ပေါက်တဲ့ လယ်ယာမြေတွေကိုလည်း လယ်သမားတွေ နံမည်နဲ့ပဲ သီးစား ပြန်တင်ခိုင်းခဲ့ ပါတယ်။ လယ်သမားတွေက သီးစား ပြန်တင်ပေမဲ့ လယ်လုပ်နေတဲ့ လယ်သမားတွေ နံမည်နဲ့ မဟုတ်ဘဲ လယ်တွေမှာ တခြား နံမည်တွေကို လွန်ခဲ့တဲ့ နှစ်ရက်က ဆိုင်းဘုတ် လာထူတဲ့ အတွက် NLD ဗဟိုဥပဒေ အထောက်အကူ အဖွဲ့ကို လာရောက် တင်ပြရတာလို့ လယ်သမားကြီး ဦးကျော်စိန်က ပြောပါတယ်။ "တဧက ငွေ ၃ သိန်းပေးတာ ဂရုဏာကြေးပေးတာ။ ကျနော်တို့က သူတို့ကို ရောင်းထားတာလည်း မဟုတ်ဘူး။ အခု သူတို့ နာမည်တွေနဲ့ ဆိုင်းဘုတ်လာတင်ထားတာ။" မွန်တိုင်းရင်းသား လယ်သမားကြီး ဦးကျော်စိန်က ပြောသွားတာပါ။ လယ်သမား ၁၂၀ လောက် ထွန်ယက် လုပ်ကိုင်နေတဲ့ လယ် ဧက တထောင်ကျော်ကို ဇေကမ္ဘာ ကုမ္ပဏီက သိမ်းယူပြီး စက်မှုဇုံ ထူထောင်နေတာလို့လည်း လယ်သမားတွေက ပြောကြပါတယ်။

ဘင်္ဂလားဒေ့ရှ် မြန်မာ နယ်စပ် နှစ်ဘက်လုံးမှာ ရေကြီး

FROM BBC NEWS
ရေလွှမ်းမိုး ခံရတဲ့ ဘင်္ဂလားဒေ့ရှ် နိုင်ငံက မြင်ကွင်း

မိုးတွေ အဆက် မပြတ် ရွာသွန်းတဲ့ အတွက် ဘင်္ဂလာဒေခ့်ျနဲ့ မြန်မာ နယ်စပ် တလျှောက် နှစ်ဘက်စလုံး မှာ ရေကြီးနေပါတယ်။
Bangladesh Floods



ရေကြီးနေတဲ့ အတွက် ဘင်္ဂလာဒေ့ရှ် ဘက်မှာ မြေပြိုကျပြီး သေဆုံးတာတွေ ရှိသလို ကျေးရွာ အတော် များများ ကိုလည်း ရေတွေ ဖုံးလွှမ်း နေတယ်လို့ သိရပါတယ်။

မြန်မာ နယ်စပ် အနီးက ဘင်ဒရိုဘင် ( မြန်မာ အခေါ် ရွာတော်မြို့) မြို့မှာ ဆိုရင် မြေပြိုလို့ အိမ်ပါ နစ်သွားတဲ့ အတွက် ဘင်္ဂလီ အမျိုးသမီး အသက် ၂၅ အရွယ် မိခင် တစ်ဦးနဲ့ ၆ လအရွယ် သားငယ် တစ်ဦး သေဆုံး သွားခဲ့ပါတယ်။

ကော့ဘဇား ခရိုင် အတွင်းက စော်ကရီယာ၊ ဟာရဘင်းစတဲ့ ကျေးရွာတွေ ဘက်မှာလည်း ရေကြီး နေပါတယ်။

ထောင်သောင်းရွာမှာ နေထိုင်နေတဲ့ မြန်မာ ကျောင်းသား တစ်ယောက် ဖြစ်သူ ကိုခိုင်ဇော်က တော့ ရေကြီးနေတဲ့ အတွက် တရွာနဲ့ တရွာကို လှေတွေနဲ့ သွားလာနေကြပြီး ရာချီတဲ့ ရွာတွေက ရေအောက် ရောက်နေကြ တယ်လို့ ပြောပါတယ်။

အခုအခါ အရေးပေါ် အကူအညီ တွေကို ဘင်္ဂလာဒေခ့်ျ အစိုးရက ဖြန့်ဝေ နေတယ်လို့လည်း သိရပါတယ်။

ရခိုင်ပြည်နယ် ဘက်မှာတော့ မောင်တောတောင်ပိုင်းက အလယ်သံကျော် ဘက်မှာ တာတွေကျိုးပြီး လယ်ကွင်းတွေ ရေမြုပ် နေတယ်လို့ သိရ ပါတယ်။

ကျောက်တော် မြို့နယ် သရက် တပင်၊ ရွာမပြင်၊ ကျနင်းကန်၊ စဖိုသား စတဲ့ ကျေးရွာတွေလည်း ကုလားတန် မြစ်ရေ ကြီးနေတဲ့ အတွက် ရွာတွေကို ရေနစ်နေပြီး စိုက်ပျိုး ထားတဲ့ စပါး စိုက်ခင်းတွေ ရေဖုံးလွှမ်းနေတယ်လို့ သိရ ပါတယ်။