လားရှိုး - မန္တလေး လမ်းမပေါ် ဗုံးပေါက် - ကျောက်မဲသားတဦးသေဆုံး

လားရှိုး - မန္တလေးလမ်းမပေါ် မှ ကျောက်မဲမြို့ အဝင် မုခ်ဦး Photo: S.H.A.N.

Wednesday, 13 July 2011 15:55 သျှမ်းသံတော်ဆင့်
ဂျူလိုင် ၁၂ ရက် ည ၈:၄၀ နာရီကျော် အချိန် ကျောက်မဲမြို့ အဝင် ဘီးလိမ့်ခွန် ဂိတ်အနီး ဆိုင်ကယ်သမား ၂ ယောက် ဆိုင်ကယ်လာရပ်ကာ ပြန်ထွက်သွားသည်နှင့် မကြာမှီ ဗုံးပေါက်ကွဲခဲ့သည်ဟုဆို၏။ ဗုံးကွဲစများကြောင့် လူသုံးဦး ဒဏ်ရာအပြင်းအထန်ရသည်ဟု မျက်မြင်တဦးကပြောပါသည်။


“ကျနော်တို့ကြားတာကတော့ ဆိုင်ကယ်သမားနှစ်ယောက် လက်ပစ်ဗုံးနဲ့ ဝင်ပစ်သွား တယ်ဆိုဘဲ။ သုံးဦးသေ တယ်လို့တောင်ကြားတယ်။ မြန်မာတပ်ကတော့ သျှမ်းသူပုန်လာလုပ်သွားတယ်ပြောတာဘဲ” - ကျောက်မဲမြို့မ ဈေးကြီးအနီးနေထိုင်သူ တဦးကပြောပါသည်။


အဆိုပါကိစ္စနှင့် ပတ်သက်ပြီး သျှမ်းပြည်တပ်မတော် အရာရှိတဦးက - “ပြီးခဲ့သည့် တလ နှစ်လ ကတည်းက မြို့ပေါ် မှာ ဗုံးတွေ မကြာခဏ ပေါက်တယ်၊ အဲလိုမကောင်းမှုလုပ်တိုင်း သူပုန်ကိုဘဲ စွပ်စွဲနေတာ မဆန်းပါ ဘူး။ တိုင်းပြည် မငြိမ်မသက်လုပ်နေတာ ဘယ်သူလဲဆိုတာ လူတိုင်းသိတယ်။ တိုင်းရင်းသားလက်နက်ကိုင် (အပစ်ရပ်)တွေ ကိုယ့် ဟာကို အေးဆေးနေတာကို ရန်ရှာပြီးလာတိုက်နေတာ ဗမာတပ်ဘဲ” - ဟု သျှမ်းသံတော်ဆင့်သို့ ပြောပါသည်။


လားရှိုး - မန္တလေးလမ်း ခေါ် ပြည်ထောင်စု လမ်းမကြီးသည် ကျောက်မဲမြို့တွင်း မဖြတ်သန်းဘဲ မြို့၏တောင်ဘက် ခြမ်းမှပတ်၍ ဖြတ်သန်းသွားကြောင်း၊ ကိုယ်ပိုင်၊ အငှား၊ ဗင်ကားလေးများသာ မြို့တွင်းသို့ ဖြတ် သန်းမောင်းနှင် ကြောင်း၊ ယခုဗုံးပေါက်ကွဲသည့်နေရာသည် မြို့အဝင် (မြို့၏တောင်ဘက်ခြမ်း) ဖြစ်ကြောင်း၊ အနီးအနားတွင် ကျေးရွာ များရှိကြောင်းလည်း ကျောက်မဲသားတဦးကပြောပါသည်။


မြန်မာအစိုးရ စစ်တပ်နှင့် သျှမ်းတပ်၊ ကချင်တပ် တို့နှင့် စစ်ရေးတင်းမာမှု၊ မြန်မာစစ်တပ်မှ ထိုးစစ်ဆင်တိုက် ခိုက်မှု ပြုလုပ်လာသည့်နောက်ပိုင်း မြို့ပေါ် ဗုံးကွဲမှု ဆက်တိုက်ဖြစ်ပေါ်လာကာ မြို့ခံများည ၈ နာရီနောက်ပိုင်း အိမ်အပြင်ဘက် မထွက်ရဲဘဲ ကျီးလန့်စာစားနေရသည့်ဘဝ ရောက်နေကြရကြောင်းလည်း လားရှိုးမြို့နေ ရပ်မိရပ် ဖတဦးကလည်း သုံးသပ်ပြောဆိုသည်။

အာဖဂန်သမ္မတ ညီ လုပ်ကြံခံရ

VOA MYANMAR

လုပ်ကြံခံလိုက်ရသည့် အာမက် ၀ါလီ ကာဇိုင်း(ယာ)။

အာဖဂန် သမ္မတ ဟာမစ် ကာဇိုင်း (Hamid Karzai) ရဲ့ ညီလည်းဖြစ်၊ အာဖဂန်နစ္စတန်နိုင်ငံ တောင်ပိုင်းမှာ သြဇာအရှိဆုံးလည်းဖြစ်တဲ့ အာမက် ၀ါလီ ကာဇိုင်း (Ahmad Wali Karzai) ဒီနေ့ သေနတ်နဲ့ ပစ်သတ်ခံရပါတယ်။

သမ္မတ ဟာမစ် ကာဇိုင်းရဲ့ အဖေတူ၊ အမေကွဲ ညီဖြစ်သူ အာမက် ၀ါလီ ကာဇိုင်းဟာ သူ့ရဲ့ နေအိမ်ထဲမှာ အင်္ဂါနေ့က သေနတ်နဲ့ ပစ်သတ်ခံခဲ့ရတယ်လို့ ပြည်နယ် အုပ်ချုပ်ရေးမှူးရုံး ပြောခွင့်ရသူက ပြောဆိုလိုက်တာ ဖြစ်ပါတယ်။

ဝါလီ ကာဇိုင်းကို သူ့ရဲ့ ယုံကြည် စိတ်အချရဆုံး ကိုယ်ရံတော်တွေထဲက တယောက်ဖြစ်တဲ့ ဆာဒါ မိုဟာမက် (Sardar Mohammed) က သတ်ခဲ့တာဖြစ်ပြီး နောက်ပိုင်းမှာ သူ့ကို ကျန်ကိုယ်ရံတော်တွေက ပြန်သတ်ခဲ့တယ်လို့ အာဖဂန် တာဝန်ရှိသူတဦးက ပြောပြပါတယ်။

ဒီလုပ်ကြံမှုဟာ သူတို့ရဲ့ လက်ချက်ပါလို့ တာလီဘန်တွေက ထုတ်ဖော် ပြောဆိုလိုက်ပါတယ်။

သမ္မတ ကာဇိုင်းက သူ့ရဲ့ညီငယ် အသတ်ခံခဲ့ရတာနဲ့ ပတ်သက်ပြီး အတည်ပြု ပြောဆိုရင်း သူ့ညီ သေဆုံးမှုဟာ အာဖဂန် ပြည်သူတွေ ခံစားနေရတဲ့ ဒုက္ခတွေကို ကိုယ်စားပြု သက်သေပြလိုက်တာပဲလို့ ဆိုပါတယ်။

အာဖဂန်နစ္စတန်နိုင်ငံမှာရှိတဲ့ အမေရိကန် တပ်မှူးကြီး ဒေးဒစ် ပက်ထရီးယပ်စ် (David Petraeus) ကတော့ ၀ါလီ ကာဇိုင်း အသတ်ခံရတာကို ပြစ်တင် ရှုတ်ချလိုက်ပြီး ဒီလူသတ်မှုမှာ တာဝန်ရှိသူတွေကို တရားဥပဒေအရ အရေးယူနိုင်ရေး အာဖဂန် အစိုးရရဲ့ ကြိုးပမ်းမှုကို နေတိုးတပ်ဖွဲ့က ပံ့ပိုး ကူညီသွားမယ်လို့ ပြောပါတယ်။

ကန်ဒါဟာ ပြည်နယ်ကောင်စီ အကြီးအကဲတဦး ဖြစ်တဲ့ ၀ါလီ ကာဇိုင်းဟာ အာဖဂန် ခေါင်းဆောင်ပိုင်းမှာ သြဇာအရှိဆုံး ဖြစ်ပြီး သူဟာ အဂတိ လိုက်စားတယ်၊ မူးယစ်ဆေးဝါး မှောင်ခိုရောင်းဝယ်တယ်လို့ နာမည်ပျက်နေသူတဦး ဖြစ်တဲ့အကြောင်း အမေရိကန် သံတမန် စာအသွားအလာထဲမှာ တွေ့ရှိရတယ်လို့ ၀ီကီလိခ်စ် (WikiLeaks) အင်တာနက် စာမျက်နှာမှာ နိုဝင်ဘာလ အတွင်းက ဖော်ပြထားပါတယ်။

ဆေးရုံမှာ ခါးပိုက်နှိုက်တို့ သောင်းကျန်း

မျိုးသန့် | ဗုဒ္ဓဟူးနေ့၊ ဇူလိုင်လ ၁၃ ရက် ၂၀၁၁ ခုနှစ် ၁၉ နာရီ ၃၃ မိနစ်

ချင်းမိုင် (မဇ္ဈိမ) ။ ။ ရန်ကုန်မြို့ ပုဂ္ဂလိက ဆေးရုံအချို့တွင် ခါးပိုက်နှိုက်များ လူနာဟန်ဆောင်ကာ အလစ်သုတ်မှုများ ရှိနေခြင်းကြောင့် ဖမ်းဆီးရမိရေး ကြေညာချက် ထုတ်ထားရကြောင်း ကြာသပတေးနေ့ထုတ် 7 Days ဂျာနယ်တွင်
ဖေါ်ပြသည်။

စမ်းချောင်းမြို့နယ်ရှိ ဆေးရုံတရုံတွင်လည်း ခါးပိုက်နှိုက် အမျိုးသမီးတဦး၏ပုံကို ဖေါ်ပြထားပြီး ဖမ်းဆီးရမိရေး ကူညီပေးရန် ဆေးရုံမှ ကြေညာချက်ထုတ်ထားကြောင်း ဂျာနယ်က ရေးသားသည်။

ပုဂ္ဂလိကဆေးရုံများတွင် လုံခြုံရေး ကင်မရာများ တပ်ဆင်ထားသော်လည်း တဦးချင်း စိစစ်ရန် ခက်ခဲသည်ဟုလည်း
ဆေးရုံ၏ လုံခြုံရေးဝန်ထမ်း တဦးကို ကိုးကားကာ ဂျာနယ်က ရေးသားထားသည်။

ခါးပိုက်နှိုက်များသည် ဆေးကုသမှု လာရောက်ခံယူသူများကဲ့သို့ ဟန်ဆောင်ကာ ဆေးရုံဝင်းအတွင်း ဝင်ရောက်ပြီး လူနာနှင့် လူနာရှင်များကို ခါးပိုက်နှိုက်သွားခြင်းဖြစ်သည်ဟု ဆိုသည်။

ထိုင်းအလုပ်ရုံတွင် မြန်မာ ၄ဝဝ ခန့် ဆန္ဒပြမှု ဖြစ်ပွားပြန်

ကွန်းချမ်း | ဗုဒ္ဓဟူးနေ့၊ ဇူလိုင်လ ၁၃ ရက် ၂၀၁၁ ခုနှစ် ၁၉ နာရီ ၃၈ မိနစ်

ချင်းမိုင် (မဇ္ဈိမ) ။ ။ အခြားအလုပ်ရုံများနည်းတူ လုပ်ခတိုးမရသဖြင့် ထိုင်း-မြန်မာနယ်စပ် ကန်ချနပူရီခရိုင်
စေတီစမ်အွန်းမြို့ရှိ WATANA Footwear Co., Ltd. ဖိနပ်ချုပ် အလုပ်ရုံမှ မြန်မာလုပ်သား ၄ဝဝ ခန့်သို့ ဆန္ဒပြမှု ကူးစက်ကာ တနင်္ဂနွေနေ့မှစ၍ ၄ ရက်တိုင် အလုပ်မဆင်းဘဲနေကြသည်။

တပတ်လုံး နားရက်မရှိသော အလုပ်ရုံတွင် တနေ့လုပ်ခ ၁၅ ဘတ် တိုးပေးရန်၊ တရက်အလုပ်ချိန် ၈ နာရီ သတ်မှတ်ပေးရန်နှင့် သောက်သုံးရေသန့်များ ရရှိရန် အလုပ်ရှင်ထံ အလုပ်မဆင်းဘဲ တောင်းဆိုဆန္ဒပြနေခြင်း
ဖြစ်သည်။

၎င်းတို့မှာ တရက်လုပ်ခ ၆၅ ဘတ်မှ ၁၄ဝ အထိ ရရှိကြပြီး၊ တရက် ၉ နာရီ အလုပ်ဆင်းရကာ ဘုရားသုံးဆူဒေသရှိ ထုံးဓာတ်လွန်ကဲသော တွင်းရေကိုသာ ကြိုချက်သောက်သုံးရသည်ဟု အလုပ်သမားဘက်က ဆိုသည်။

ဇွန်လ ၁၁ ရက်၊ တနင်္လာမွန်းလွဲပိုင်းတွင် အလုပ်ရှင်၊ မန်နေဂျာများနှင့် အလုပ်သမား ခေါင်းဆောင်များက အလုပ်ရုံတွင် ညှိနှိုင်းခဲ့ကြပြီး အလုပ်ရှင်ဘက်မှ တရက်လုပ်ခ ၈ဝ ဘတ်အောက် ရရှိသည့် အလုပ်သမားများကို ၈ဝ ဘတ် သတ်မှတ်ပေးကာ အလုပ်သမားခေါင်းဆောင်များကို ၂ဝ ဘတ် တိုးပေးမည်ဟု ပြောသော်လည်း အလုပ်သမား
ခေါင်းဆောင်များက လက်မခံခဲ့ပေ။

“ကျနော်တို့သက်သက်ကို တိုးပေးတာ ကျနော်တို့ လက်မခံဘူး၊ အလုပ်သမားအားလုံး တပြေးညီ ၁၅ ဘတ် တိုးပေးတာကိုပဲ ကျနော်တို့ လိုချင်တယ်” ဟု ဆန္ဒပြ အလုပ်သမား ခေါင်းဆောင် တဦးဖြစ်သူ ကိုချမ်းအေးက မဇ္ဈိမကို ပြောသည်။

ညှိနှိုင်းမှု မပြေလည်သည့် အပြင် အလုပ်ရှင်က အလုပ်သမားများကို အကျပ်ကိုင်ခဲ့သေးသည်ဟု နောက်ထပ် အလုပ်သမားခေါင်းဆောင် ကိုဝင်းက ပြောသည်။

“ သူတို့က ၃ ရက်အတွင်း အလုပ်ဆင်းရင် ဆင်း၊ ၃ ရက်လွန်လို့မှ အလုပ်မဆင်းရင် အလုပ်သမား ခေါင်းဆောင်တွေပါ မကျန် တရက်လုပ်ခ ၈ဝ က အားလုံး ပြန်စရမယ်လို့ ကျနော်တို့ကို ပြောလွှတ်လိုက်သေးတယ်” ဟု သူက ဆိုသည်။

အလုပ်သမားဘက်ကလည်း ၃ ရက်အတွင်း လုပ်ခ တိုးမပေးပါက အလုပ်ရုံတိုင်းတွင် စာကပ်ကာ ဆက်လက် ဆန္ဒပြမည်ဟု ဆိုထားကြသည်။

ထိုင်းဘက်ကမ်း စေတီစမ်အွန်းရှိ အလုပ်ရုံများတွင် အလုပ်လုပ်နေသူများမှာ မြန်မာနိုင်ငံသားများသာ ဖြစ်ကြပြီး
နေ့စဉ် မြန်မာဘက်ခြမ်း ဘုရားသုံးဆူမှ ထိုင်းဘက်ခြမ်းသို့ ကူးကာ အလုပ်လုပ်ကြသည်။

အလုပ်သမားတဦးက “ကျနော်တို့ အမြဲတမ်း အနှိမ်ခံနေရတယ်။ ဘုရားသုံးဆူဘက်မှာ အလုပ်သမားတွေအတွက် မားမားမတ်မတ် ရပ်တည်ပေးမယ့် အဖွဲ့တဖွဲ့လောက် ရှိစေချင်တယ်” ဟု ပြောသည်။

စေတီစမ်အွန်းခေါ် ဘုရားသုံးဆူမြို့တွင် ဖိနပ်ချုပ်အလုပ်ရုံ ၄ ရုံ ရှိပြီး၊ မြန်မာလုပ်သား ၂၀၀၀ ကျော် လုပ်ကိုင်နေသည်။ တမြို့လုံးတွင် ဖိနပ်ချုပ်၊ အထည်ချုပ်နှင့် အခြားစက်ရုံများ၌ အလုပ်လုပ်သည့် မြန်မာ ၅ဝဝဝ ကျော် ရှိပြီး၊ အလုပ်ရုံပေါင်း ၄ဝ ကျော် ရှိသည်။

ဇူလိုင်လ ၇ ရက်နေ့တွင် လုပ်ခတိုးပေးရန် PTK Basani ဖိနပ်ချုပ် အလုပ်ရုံမှ အလုပ်သမားများ ၄ဝဝ ကျော် ဆန္ဒပြပြီးနောက် ၈ ရက်နေ့ ညှိနှိုင်းမှုအရ တရက် ၁၅ ဘတ် တိုးပေးခဲ့သည်။

စေတီစမ်အွန်းသည် မြန်မာ-ထိုင်းနယ်စပ် ကရင်ပြည်နယ် ကြာအင်းဆိပ်ကြီးမြို့နယ် ဘုရားသုံးဆူမြို့နှင့် ကပ်လျက်ရှိကာ၊ ထိုင်းဘက်ခြမ်း ဘုရားသုံးဆူအဖြစ် မြန်မာများက အလွယ်ခေါ်ကြသည်။

အစိုး​ရက ရှမ်း​ပြည်တပ်မ​တော်ကို ဗုံး​ကြဲ

Published on July 13, 2011 by နန်းမြနဒီ


ရှမ်း​ပြည်နယ်​တောင်ပိုင်း​ ​ကျေး​သီး​မြို့​နယ်တွင်း​မှာ ရှမ်း​ပြည်တပ်မ​တော်နဲ့​ အစိုး​ရတပ်​တွေအြကား​တိုက်ပွဲမှာ အစိုး​ရတပ်ဘက်က ​လေယာဉ်နဲ့​ ဗုံး​ ကြဲချသွား​တယ်လို့​ ရှမ်း​ပြည်တပ်မ​တော် ​ပြောခွင့်​ရသူ ဗိုလ်မှူး​ စိုင်း​လောဝ်ဆိုင်က ​ပြောပါတယ်။

အက်စ်အက်စ်​အေတပ်ဖွဲ့​တွေနဲ့​ အစိုး​ရတပ် ခလရ ၂၈၆၊​ ၂၈၇ တို့​နဲ့​ ဝမ်ဟိုင်း​ဌာနချုပ် ဝန်း​ကျင် လွိုင်ဆိုင်း​တောင်၊​ ဝမ့်​ကိုင်ဖိုက် (ကြက်ဖြူရွာ) ရွာအနီး​မှာ ဒီမနက်က​နေ အခုထိ ဆက်လက်ဖြစ်ပွား​နေတုန်း​ပဲလို့​ သူက ​ပြောပါတယ်။

စိုင်း​လောဝ်ဆိုင်က “မ​နေ့​က သူတို့​ထိုင်ထား​တဲ့​ ​ရှေ့​တန်း​စခန်း​ကို ကျ​နော်တို့​က သိမ်း​ဆည်း​ရမိပါတယ်။ သူတို့​က အခု​ပြောတဲ့​ (ဝမ်ဆိုင်း​) ​တောင်​ကြောဘက်ကို ဆုတ်ခွာပါတယ်။ ကျ​နော်တို့​တပ်​တွေက လိုက်ရင်း​နဲ့​ ပိတ်ထား​တဲ့​သ​ဘောဖြစ်ပါတယ်။ သူတို့​ကိုကူညီဖို့​အတွက် ဒီ​နေ့​မွန်း​လွဲပိုင်း​ တနာရီ​ကျော်​လောက်မှာ ​ဝေဟင်က​နေ အမ်အိုင်ဂျီ ၂၆ အမျိုး​အစား​ တိုက်​လေယာဉ်လို့​ယူဆရတဲ့​ ​လေယာဉ်နှစ်စင်း​နဲ့​ ကျ​နော်တို့​ အက်စ်အက်စ်​အေတပ်​တွေကို ဗုံး​ ၁၀ လုံး​ကြဲသွား​တယ်” လို့​ ​ပြောပါတယ်။

တိုက်ပွဲဖြစ်ရာ​နေရာဟာ ဝမ်ဟိုင်း​ဌာနချုပ်ရဲ့​ အ​နောက်​မြောက် ၁၃ မိုင်ခန့်​အကွာမှာ ဖြစ်​နေတာလို့​ ရှမ်း​တပ်မ​တော် တပ်မှူး​ငယ်တဦး​က ​ပြောပြီး​ လက်ရှိ အစိုး​ရတပ်က အင်အား​ ၂၀၀ ​လောက်က လွိုင်စိုင်း​တောင်​ပေါ်​ရောက်​နြေပီး​ ​အောက်မှာ ရှမ်း​တပ်မ​တော် အင်အား​ ၄၀၀ ​လောက်က ပိတ်ထား​တယ်လို့​ ​ပြောပါတယ်။

ဒါ့​အြပင် အစိုး​ရတပ်ကို စစ်ကူလာတဲ့​ ခလရ (၆၄) တပ်ရင်း​ကို ရှမ်း​တပ်က ​ကျေး​သီး​မြို့​နယ် ​နောင်ဆွမ်း​ရွာအနီး​မှာ ဒီမနက် ၂ နာရီခန့်​က တိုက်ခိုက်လို့​ စစ်သား​ ငါး​ဦး​ထက်မနည်း​ ဒဏ်ရာရခဲ့​တယ်လို့​ ​ပြောပါတယ်။

ရှမ်း​ပြည်တိုး​တက်​ရေး​ပါတီ (အက်စ်အက်စ်ပီပီ) ရဲ့​ ​ပြောခွင့်​ရ ဗိုလ်မှူး​တ​ယောက်က​တော့​ အစိုး​ရ​ခြေလျင်တပ်က ကူညီဖို့​ ခက်ခဲသွား​တဲ့​နောက် ​ဝေဟင်က​နေ ရုရှား​လုပ်​လေယာဉ်​တွေနဲ့​ ဗုံး​လာကြဲတာဖြစ်သလို ဒီ​လေယာဉ်​တွေ ပြန်သွား​ပြီး​တဲ့​နောက် ​သေနတ်သံ​တွေ ကြိုး​ကြား​ထွက်​နေတုန်း​ပဲလို့​ပြောပြီး​ ဝမ်ဟိုင်း​နား​က တပ်​တွေ ဆုတ်ခွာဖို့​ ​တောင်း​ဆိုလိုက်ပါတယ်။

“သူတို့​က ကျ​နော်တို့​ ဝမ့်​ဟိုင်း​တ​လျှောက် အဲဒီ သွား​မယ့်​ လမ်း​မှာ အ​ခြေပုထား​တဲ့​ တပ်​တွေ ရှိတာ​ကော သူတို့​ တဆင့်​ပြီး​တဆင့်​ ​ချေမှုန်း​ပြီး​ ဝမ့်​ဟိုင်း​ကို ဖြိုမယ့်​သ​ဘော ဖြစ်တယ်​လေ။ ဒါ​ကြောင့်​လဲ ကျ​နော်တို့​ ဌာနချုပ် သူတို့​လက်ထဲ မကျ​အောင် ကျ​နော်တို့​က ဖြစ်နိုင်သ​လောက် ကျ​နော်တို့​က ခုခံပြီး​ ကာကွယ်ထား​ရမှာပဲ​ပေါ့​။ ဖြစ်နိုင်ရင်​တော့​ ကျ​နော်တို့​က စစ်​ရေး​နဲ့​ မ​ဖြေရှင်း​ချင်ပါဘူး​။ ကျ​နော်တို့​နယ်​မြေထဲမှာ ထိုး​စစ်ဆင်​နေတဲ့​တပ်​တွေ​ကြောင့်​ ကျ​နော်တို့​ ပြည်လူထုလည်း​ အခုဆိုရင် ပုံမှန်ဆန်​ရေစပါး​ ရှား​ပါး​တဲ့​ အချိန်ဆို​တော့​ ​တော်​တော် ဒုက္ခ​ရောက်​နေတယ်​လေ။ ထိုး​စစ်ဆင်​နေရင် ဘယ်​တော့​မှ ပြီး​ဆုံး​နိုင်မယ် မဟုတ်ဘူး​လို့​ ကျ​နော်တို့​ ခံယူထား​တယ်။”

အစိုး​ရတပ်​တွေက ဝမ့်​ဟိုင်း​ဌာနချုပ်အ​ခြေပု ရှမ်း​ပြည်တပ်မ​တော်နဲ့​ ဒီနှစ်ဆန်း​ကတည်း​က ဆက်တိုက် တိုက်ပွဲဖြစ်​နေတာပါ။ အစိုး​ရဘက်က ​ကေအိုင်အိုနဲ့​ အပစ်ရပ်ဖို့​ ကြိုး​ပမ်း​တာ ​တွေ့​ရ​ပေမယ့်​ ရှမ်း​တပ်မ​တော်နဲ့​ အပစ်ရပ်ဖို့​ ကြိုး​ပမ်း​တာ မ​တွေ့​ရ​သေး​ပါဘူး​။